Узем турында белешмә

                                           Язмышлардан узмыш юк шул,

                                 Минем язмыш-балалар.

                                 Белем бирү, тǝрбиялǝү

                                 Бурычым булып калалар.

Мин, Халитова Милǝүшǝ Җǝмил кызы , киӊ кырларга,  елга-күлләргә,  куе урманнарга  бай булган  Чүпрǝле  районы Кече Чынлы авылында дөньяга килгәнмен. Бала чагым гүзәл табигатьле авылым кочагында узды. Туган мәктәбемне тәмамлагач, юлларым мине Казан педагогия көллиятенǝ китерде.   Дүрт ел буена үз эшләренең чын осталары булган мөгаллимнәрдән белем алдым. Тәүге хезмәт юлымны 2001 елда туган мәктәбемдә башлап җибәрдем. Мине җылы итеп каршы алган, эшкә өйрәткән  укытучыларыма карата күңелемдә бары тик рәхмәт хисләре генә саклана. Бүгенге көндә мин татар теле һәм әдәбияты  дәресләре укытам, балаларда туган телебезгә мәхәббәт хисләре тәрбиялим. Үз хезмәтемне тырышып, намус белән башкарам. Төрле профессиональ  конкурсларда катнашам. Укучылар белән  әдәби кичәләр үткәрәм. Хезмәттәшләрем  белән эш тәҗрибәмне бик теләп уртаклашам.

Анкета

1. Халитова Милǝүшǝ Җәмил кызы
2. Югары белемле, КГПИ 2005ел
3. Беренче  квалификацион категорияле татар теле һәм әдәбияты укытучысы
4. Эш стажым: 10 ел
5. Методик темам : “Татар теле һәм әдәбияты дәресләрендә укучыларның иҗади эшчǝнлеген оештыру, мөстǝкыйль  эш күнекмǝлǝре булдыру". 
6. Курс : НОЧУ ВПО «Московский социально-гуманитарный институт»,«ФГОС  Управление качеством учебного процесса по татарскому языку и литературе в СОШ» 108 сǝг.,  2013ел.
7. Яратып укыган китапларым : Ф.Яруллин , А.Гыйләҗев Ә.Еники әсәрләре. Бүгенге көн язучыларыннан  Н.Гыйматдинова , якташ язучылардан З. Нури, Ш. Мөдәррис  китаплары.